Feısbýk áleýmettik jelisiniń negizin qalaýshy jáne ıesi Mark Sýkerberg óz qalaýy boıynsha Reseı Federasıasyna qarsy sanksıalar salatynyn málimdegen. Bul týraly "Qamshy" portaly Associated Press- ke silteme jasaı otyryp habarlaıdy.
"Meniń sheshem Ýkraınanyń Ýmanı kentiniń týmasy ekenin eshkim bile bermeıdi. Meniń keı naǵashylarym áli Ýkraınada turady. Men ózim ásire dinge bet burmaǵanymmen, ara-tura Ýmanıge baryp, dinı merkelerge qatysyp turamyn. Sondyqtan men Ýkraınany ekinshi otanym dep esepteımin jáne Reseı Federasıasynyń Qyrym men Donbassta jasap otyrǵan zulymdyqtaryna men beı-jaı qarap otyra almaımyn. Sondaı-aq, men Reseıge kelgenimde, (ol kezde Prezıdenti Medvedev edi) RF Prezıdenti meniń aıaǵymdy taptap ketken, tipti, keshirim de suramady. Men mundaı áreketke mádenıeti tómen, jabaıy tárbıe kórgen adam ǵana barady dep esepteımin",-deıdi mıllıarder Sýkerberg.
Sondaı-aq, Sýkerberg, Feısbýk áleýmettik jelisin RF terıtorıasynda jabylatynyn aıtqan. Onyń aıtýynsha, Reseılikter endigi jerde feısbýkten tek oqı alady. Al jazbalar men pikirler qaldyra almaıdy. Ol bul áreketi arqyly máskeýlik trollderdiń shovınısik jazbalaryna toqtaý qoıatynyn aıtqan. Sonymen qatar, Sýkerberg myrza, basqa de áleýmettik jeli basshylaryn sanksıa salýǵa shaqyrǵan. Sonyń ishinde, birinshi bolyp Tvıtter basshysyna úndeý jibergen. Sýkerbergtiń aıtýynsha, 2015 jyldyń sáýir aıynan bastap feısbýk jelisi Reseılikter úshin jabylatynyn eskertken.
Esterińizde bolsa, Reuters agenttigi taratqan aqparatta Microsoft pen Apple Reseılik kontentke shekteý qoıý, reseılikter úshin latynshany qoldanýǵa tyıym salý jóninde ózara kelissiózder júrgizetini aıtylǵan bolatyn.
Nurzat Toǵjan
